ആരോഗ്യ സംരക്ഷണത്തിന്റെ സാർവത്രിക ലഭ്യതയ്‌ക്കായി പരമ്പരാഗതവും അനുപൂരകവുമായ ഇതരവൈദ്യശാസ്ത്രങ്ങളുടെ പ്രാധാന്യം ലോകാരോഗ്യ സംഘടന 1978-ലെ അവരുടെ അൽമാ അറ്റ പ്രഖ്യാപനത്തിൽ മുന്നോട്ട് വെച്ചു . തദ്ദേശ്ശ വൈദ്യസമ്പ്രദായങ്ങളുടെ ഗുണനിലവാരത്തിന്റെ ഏകീകരണത്തിനായി ഒരു പദ്ധതി തന്നെ ലോകാരോഗ്യസംഘടന ആസൂത്രണം ചെയ്യുകയുണ്ടായി . ലോകാരോഗ്യ സംഘടനയിൽ നിന്ന് പ്രചോദനം ഉൾക്കൊണ്ട്, ആധുനിക യുഗത്തിന്റെ ആവശ്യങ്ങൾക്കനുസരിച്ച് ഈ സംവിധാനങ്ങൾ വികസിപ്പിക്കുന്നതിനായി 1995-ൽ ആരോഗ്യ കുടുംബക്ഷേമ മന്ത്രാലയത്തിന് കീഴിൽ ഇന്ത്യൻ സിസ്റ്റംസ് ഓഫ് മെഡിസിൻസ് ആൻഡ് ഹോമിയോപ്പതിക്ക് വേണ്ടി ഒരു പ്രത്യേക വകുപ്പ് ഇൻഡ്യാ ഗവൺമെന്റ് സ്ഥാപിച്ചു.