ഭാരതീയ ചകിത്സാ വകുപ്പ് നടപ്പാക്കുന്ന സമഗ്ര ആയുർവേദീയ സാന്ത്വന പരിചരണ പദ്ധതി.

കിടപ്പു രോഗികളുടെയും അവരുടെ കുടുംബത്തിന്റെയും ജീവിത നിലവാരം മെച്ചപ്പെടാനുപകരിക്കന്നതാണ് ശരിയായ സാന്ത്വന പരിചരണം. അവരുടെ കഷ്ടപ്പാടുകൾ നേരത്തെ തിരിച്ചറിയാനും ഒഴിവാക്കാനും അവരുടെ സ്ഥിതി മനസ്സിലാക്കി വേദനാദി വികാരങ്ങൾക്ക് ശാരീരിക-മാനസിക-ആത്‌മീയ ചികിത്സ നൽകാനും കഴിയുന്നു.

വർത്തമാന കേരളത്തിലെ അണുകുടുംബങ്ങളിൽ ഒരാൾ കിടപ്പിലായാൽ അയാളുടെ പരിചരണം നടത്താൻ ആളില്ലാത്ത അവസ്ഥയാണ്. ഈ സാമൂഹ്യ വിപത്തിനൊരു പരിഹാരമായാണ് കേരള സർക്കാർ സാന്ത്വന പരിചരണ പരിപാടികൾ നടപ്പാക്കുന്നത്. തിരുവനന്തപുരം, തൃശൂർ, കാസർഗോഡ് ജില്ലകളിൽ ഭാരതീയ ചികിത്സാ വകുപ്പ് നടപ്പാക്കുന്ന ഒരു പ്രാഥമിക സാന്ത്വന പരിചരണ പദ്ധതിയാണ് സ്നേഹധാര. നിയമസഭാ സബ്ജക്ട് കമ്മറ്റി 12 (എച്ച് & എഫ്ഡബ്ല്യുഡി) ഡിടിഡി 24/4/2013 യുടെ നിർദേശ പ്രകാരമാണ് ഈ പദ്ധതി ആരംഭിച്ചത്.

ലക്ഷ്യം

• വേദന പോലുള്ള ലക്ഷണങ്ങളിൽ നിന്നുള്ള ആശ്വാസം.

• അനിവാര്യമായ മരണത്തിനായി തയാറെടുത്തുകൊണ്ടുള്ള സമാധാനപരമായ ജീവിതം.

• രോഗീപരിചരണത്തിൽ മാനസിക-ആത്‌മീയ ഭാവങ്ങൾക്ക് പ്രാധാന്യം. മരണമെത്തും വരെ കഴിയുന്നത്ര ചലനാത്മകമായ ജീവിതം നയിക്കാനുള്ള പരിചരണവും ചികിത്സയും.

• രോഗികളുടെയും കുടുംബത്തിന്റെയും ആവശ്യമനുസരിച്ച് കൗൺസലിങ് ഉൾപ്പടെയുള്ള സേവനങ്ങൾ.

നടത്തിപ്പ്

തിരഞ്ഞെടുത്ത ജില്ലകളിലാണ് ഐഎസ്എം വകുപ്പ് ഈ പദ്ധതി നടപ്പിലാക്കുന്നത്. പദ്ധതി നടപ്പിലാക്കുന്നതിന് രൂപീകരിച്ച കമ്മിറ്റിയിൽ ഗ്രാമപഞ്ചായത്ത്, ഭാരതീയ ചികിത്സാ വകുപ്പ് മേധാവി, നാം സ്റ്റേറ്റ് മിഷൻ ഡയറക്ടർ, ജോയൻറ് ഡയറക്ടർ (ഐ.എസ.എം.), ഡി.പി.എം., ഡി.എം.ഓ., മെഡിക്കൽ ടീം എന്നിവരാണുള്ളത്.

രീതിശാസ്ത്രം

• മെഡിക്കൽ ടീം രൂപീകരണം (മെഡിക്കൽ ഓഫീസർ - ഐ.എസ്.എം. & എൻ.എഛ്.എം.- വിദഗ്ധൻ, നേഴ്സ് (ജി.എൻ.എം./ പാലിയേറ്റീവ് / പാലിയേറ്റീവ് പരിശീലനം ലഭിച്ച ആയുർവേദ നേഴ്സ്), തെറാപ്പിസ്റ്റും അറ്റെൻഡറും ആയി ഒരാൾ, ആശാ പ്രവർത്തക, സന്നദ്ധ പാലിയേറ്റീവ് പ്രവർത്തകൻ, വാർഡ് മെമ്പർ.

• ഗ്രാമ പഞ്ചായത്ത് പരിധിയിൽ ആയുർവേദ സാന്ത്വന പരിചരണത്തിനായി രജിസ്റ്റർ ചെയ്തിട്ടുള്ള രോഗികളുടെ കണക്കെടുപ്പും തിരഞ്ഞെടുപ്പും.

• രോഗിയുടെയോ കുടുംബാംഗത്തിന്റെയോ അനുമതി പത്രം. തിരഞ്ഞെടുത്ത മരുന്നുകൾ വാങ്ങൽ.

• പരിചരണത്തിനുള്ള അനുബന്ധ സാമഗ്രികളുടെ വാങ്ങൽ.

• കേസ് ഷീറ്റ്, അസ്സെസ്സ്മെന്റ് ചാർട് എന്നിവ തയ്യാറാക്കൽ.

• ഭവന സന്ദർശനം, മരുന്ന് വിതരണം, കൗൺസലിങ് - എന്നിവ ആഴ്ചയിൽ രണ്ടോ മൂന്നോ.പദ്ധതിയെക്കുറിച്ചുള്ള ബോധവൽക്കരണ ക്ലാസുകൾ.

• നിരന്തര അവലോകനം - ജില്ലാ മെഡിക്കൽ ഓഫീസറുടെ മാസം തോറുമുള്ള അവലോകനം.

• കിടത്തി ചികിത്സ - കിടത്തി ചികിത്സ ആവശ്യമുള്ളവരെ അടുത്തുള്ള ആയുർവേദ ആശുപത്രിയിലേക്ക് റെഫർ ചെയ്യുന്നു.

• അവലോകനവും രേഖപ്പെടുത്തലും.

• പ്രതികരണങ്ങൾ.

• നിരീക്ഷണം.